Mardon Kay Masail Azdawaji Zindagi Ke Masail in Urdu and Hindi

Mardon Kay Masail Azdawaji Zindagi Ke Masail in Urdu and Hindi

Shadi kay hawaley sey mardon ka ahem tareen masla mubashrat (intercourse)  mein naakami ka khauf hota hai. Insan ghalat tor per samajhta hai kay shayad woh shaadi kay qabil nahi aur mubashrat (intercourse)  nahi kar sakey ga. Insan aisey sochta hai waisey hi hojata hai. Iss soorat

mein iss khauf ki wajah sey amooman insan ko mubashrat kay liye matlooba tanau (erection) nahihota jis ki wajah sey dakhool na mumkin  hojata hai. Iss soorat mein awwal to tanau (erection) hota hi nahi, ya phir bohut hi mamooli hota hai. Teesri soorat yeh hoti hai kay isey tanau (erection) bilkul theek hota hai magar dakhool kay waqt yakdam khatam hojata hai jis ki wajah sey insan sharminda aur pareshan hojata hai. Jawani mein yeh masla taqreeban kabhi jismani nahi hota. Agar aap ko kisi bhi waqt khusoosan subha kay waqt tanau (erection) hota hai to aap bilkiul normal hain aap ka masla nafsiyati hai. Sex kay hawaley sey hamari society mein pheli hui bey shumaar ghalat baaton (jin mein sey ahem ka zikar book kay shuru mein mojood hai) ki wajah sey aksar naujawan apney aap ko ghalat tor per mardana kamzori ka shikar samajh letey hain. Inhein khauf hota hai kay woh mubashrat (intercourse)  mein nakam hojaein gey inn khadshaat aur khauf ki wajah sey insan mubashrat (intercourse)  mein nakam hojata hai aisi soorat mein aap bilkul pur sukoon rahein. 2 weeks kay liye mubashrat (intercourse) naa karein magar rozana foreplay karein. Bharpoor tanau (erection) ki soorat mein bhi mubashrat (intercourse)  sey bachein. InshaAllah 2 week baad aap ka masla khatam hojaey ga. Basorat deegar kisi achey mahir e nafsiyat sey raabta karein. Waisey iss book mein iss masley ka hal mojood hai. Iss sey faida uthaien. Premature Ejaculation – Mardana Jinsi Kamzori  Doosra masla premature ejaculation (surat e inzal) ka hai. Mardon ki seminal vesicles amooman 3.5 days mein bhar jati hain. Phir woh ekhraj ka taqaza karti hain. Mukhtalif wajoohaat ki bina per ghaer shadi shuda mard ki mani (semen) ka regular ekhraj nahi hota Chunancha yeh bhari hui naaliyen mamoli jinsi stimulation sey mani (semen) ko bahir nikal deti hain iss tarhan mard jald discharge hojata hai baaz  auqat to dakhool ki koshish hi mein discharge ho jata hai. Iss soorat e hal mein mard shadeedsharmindigi mehsoos karta hai. Yeh koi jismani beemari nahi aur naa hi mardana jinsi kamzori ki alamat hai. Lehaza aap parisshan naah on, pursukoon rahein. ( Iss book mein iss masley kay bohut sey hal mojood hain jin ka zikar muta’alliqa baab mein hoga) aur 1 – 2 hours kay baad jinsi khail shuru karein to thori deyr mein aap phir jiinsi amal kay liye tayyar hojaein gey to aap dubara mubashrat(intercourse)  karein. Iss bar aap ki karkardagi bohut behtar hogi. Aa’enda bhi kuch arsa rozanaa dubara mubashrat (intercourse)  karein to aap ki karkardegi behtar rahaigi.